रामेती छत्रपती संभाजीनगर संस्थेची उद्दीष्टये

1. कृषि विभागातील कर्मचां-याना कृषि विभागातील विविध योजना / प्रकल्पांच्या यशस्वी अंमलबजावणीसाठी तांत्रिक दृष्टया सक्षम करुन कृषि क्षेत्रात येणा-या आव्हानांचा सामना करण्यासाठी सक्षम मनुष्यबळ तयार करणे. कर्मचा-यांचे कौशल्य, वृत्ती आणि वर्तणुकीमध्ये सकारात्मक बदल घडवणे.

2. कृषि विस्तार क्षेत्रातील कर्मचा-यांना विस्तार कार्यात सक्षम बनवून त्यांच्याद्वारे विभागातील शेतक-यांना प्रभावी नाविण्यपूर्ण तंत्रज्ञानाचा प्रचार व प्रसार करुन त्याच्या समृध्दीला चालना देणे.

3. महिला अधिकारी / कर्मचारी यांचे माध्यमातुन महिलांचे कृषि क्षेत्रात योगदान वाढविण्यासाठी विशेष प्रयत्न करुन त्यांना विकासाच्या मुख्य प्रवाहात आणणे हे आमचे ध्येय आहे.

4. शेतकरी उत्पादक कंपन्याच्या प्रतिनिधींना उत्पादन मूल्यवर्धन, पुरवठा साखळी, व्यवस्थापन ते थेट व्रिकी याबाबत प्रशिक्षित करुन त्यांचे उत्पादन व उत्पन्न वाढविण्यासाठी प्रयत्नशील राहणे.

नाविन्यपूर्ण उपक्रम

1. रामेती, छत्रपती संभाजीनगर च्या नावे युट्युब चॅनेलची सुरुवात.

2.प्रयोगशाळा ते शेतक-याच्या बांधापर्यंत ऑफ कॅम्पस प्रशिक्षणाचे आयोजन.

3.“करुन शिकणे” या शिक्षण पध्दतीवर भर

4.प्रगतशील शेतक-यांच्या शेतावर प्रक्षेत्र भेट.

5. गट गतिशीलता व गतिमान प्रशिक्षण तत्वावर भर.

प्रशिक्षक

विविध प्रशिक्षण कार्यक्रम प्रभावीपणे राबविण्यासाठी संस्थेकडे एक प्राचार्य, दोन सहाय्यक संचालक आणि त्यांना मदत करण्यासाठी दोन कृषी पर्यवेक्षक असे अधिकारी / कर्मचारी कार्यरत आहेत. त्याचबरोबर रामेती, छत्रपती संभाजीनगर येथे कृषि विभाग व इतर विभागातील विविध विषयावर मार्गदर्शन करणारे व्याख्याते, राज्य कृषी विद्यापीठे आणि इतर संस्थांमधील नामांकित आणि प्रख्यात विद्वानांना प्रशिक्षक म्हणून बोलविले जाते. संस्थेमार्फत कृषी, संशोधन, विस्तार व्यवस्थापन इत्यादी क्षेत्रातील आघाडीच्या प्रादेशिक स्तरावरील संस्थांसोबत प्रशिक्षणासाठी समन्वय राखण्यात येतो.