रामेती प्रशिक्षण संस्थेची उद्दीष्टे

1.कृषी विभागातील अधिकारी/ कर्मचारी यांना कृषी विभागाच्या योजना, प्रशासकीय, आस्थापना इ. संदर्भात सखोल मार्गदर्शन करून त्यांना परिपूर्ण करण्याचा प्रयत्न करणे.

2.कृषी विभागाचे धोरण व कार्यपद्धतीबाबत नवनियुक्त अधिकारी/ कर्मचारी यांना पायाभूत प्रशिक्षणाच्या माध्यमातून प्रशिक्षित करणे.

3.कृषी विस्ताराच्या माध्यमातून आधुनिक कृषी तंत्रज्ञानाचा प्रसार शेतकऱ्यापर्यंत पोहोचवण्यासाठी अधिकारी/ कर्मचारी यांना सक्षम करणे.

4. कृषी प्रक्रिया, विपणन व शेतीपुरक व्यवसाय क्षेत्रातील नाविन्यपूर्ण बाबींची अद्यावत माहिती प्रशिक्षणार्थींना देणे.

5.कृषी विभागाचे कार्य, विविध प्रकल्प योजना यांच्या अंमलबजावणीसाठी अधिकारी/ कर्मचाऱ्यांचे व्यवस्थापकीय कौशल्य विकसित करणे.

आमचा दृष्टीकोन

कृषि विभागातील क्षेत्रीय अधिकारी, कर्मचार्‍यांना सेवा बजावत असताना उत्कृष्ट कार्य करण्यासाठी आवश्यक प्रशिक्षण देण्याची महत्त्वपूर्ण भूमिका रामेती, पुणे बजावत आहे. सामान्य प्रशासन विभागाच्या १४ ऑक्टोबर २०१३ रोजीच्या शासन निर्णयानुसार रामेती पुणे ही संस्था विभागीय प्रशासकीय प्रशिक्षण संस्था म्हणून घोषित करण्यात आली आहे. त्याद्वारे राज्य शासन सेवेत कार्यरत सर्व विभागांतील वर्ग दोन अधिकाऱ्यांची कार्यक्षमता वाढवून गतिमान प्रशासन करण्यात रामेती, पुणे संस्था मोलाची भूमिका बजावत आहे. प्रशिक्षणार्थींचे कौशल्य, वृत्ती आणि वर्तणुकीमध्ये सकारात्मक बदल घडवणे व अंतिमरित्या त्यांना कृषी विस्तारात सक्षम बनवून त्याद्वारे शेतकऱ्यांना प्रभावी सहाय्य आणि मार्गदर्शन देऊन त्यांच्या समृद्धीला चालना देण्याचे काम रामेती, पुणे करत आहे. .